Pani e ficu

'U MEGGHIU MANCIARI

Ma rivordu quann’era nicu
Spissu manciava pani e ficu
Poi era tantu duci
Pani ri casa e nuci.
'nzalata di cipudda, pummaroru e pucciddana
Sibbiunu a sazziari 'na jurnata sana.
Pasta, sassa e mulinciani
N’astati erunu piatti sani.
Pipi arrustuti e piparelliu
Erunu cosi tantu belli.
'o cincu r’austu sucu ri puccidduzzi i rinia
Ppì frutta sulu ficurinia.
Pani ruru e muluni russu.
Nun si canusciva cchi era a fillata
R’accussì a murtatella viniva chiamata.
Di chistu manciari putissi scriviri tantu
Picchì tannu era nu veru vantu.
Oggi stu cumpanaggiu è 'finitura
Scanusciutu a ogni criatura.
P’ avillu t’ha rivolgiri 'o cuntadinu amicu
Ca s’a rivorda di tuttu chiddu anticu.

p.s.:
'na ddù tempu nun c’era abbunnanza
Ppì putiri all’inghiri 'a panza.
Capitava di manciari 'a matina pani e pira
A manziornu sulu pira
Assai spissu 'a sira
Né pani e né pira.

14/08/2015