Contenuti per adulti
Questo testo contiene in toto o in parte contenuti per adulti ed è pertanto è riservato a lettori che accettano di leggerli.
Lo staff declina ogni responsabilità nei confronti di coloro che si potrebbero sentire offesi o la cui sensibilità potrebbe essere urtata.
Sugnu comu n’uccellu chiusu na iaggia.
Iu però nun cantu p’amuri, ma cantu pi
raggia.
E cantannu cantannu no frattempu vaiu
chiancennu.
Sta iaggia troppu stritta mi sta stannu.
Iu vulia a libertà e inveci sugnu chiusa cca.
Na sti quattru mura e mi pari na svintura.
A me raggia ogni ghiornu crisci sempri
chiuassai e si putissi mi vindicassi puru
se mi mittissi ne vai.
Pirchì la curpa de me vai è di qualcunu
ed iddu lu sapi assai.
Sugnu n’uccellu ca vulissi vulari ma mi
tarparunu li ali.
Maliricu ddu iornu ca cu ma fici fari di
la me città abbannunari.
Era libira e puteva vulari ma iu babba
ca mi fici ngannari.
Tanti prumissi, tanti belli cosi, mi fici
cunvinciri e rincarai a dosi.
Lassai lu me bellu paisi pi chiuririmi
na sti quattru mura annu pi annu,
misi pi misi, chi bella svintura.
E ora mi ritrovu intra sta iaggia ca nun
cantu p’amuri ma cantu pi raggia.
Rita Buscema
13/01/2026
