SENZA TERRA E SENZA PACI

SENZA TERRA
E
SENZA PACI

Cori di mamma
luntanu da tò terra
custrittu fusti
a lassari u tò paisi
non pi mancanza d’amuri
e mancu pi guerra
ma sulu
p’arrivari a fini misi.

Cu cori amaru
chianasti supra u trenu
c’u na valigia
china di spiranza
e già sintisti
chi non putivi fari a menu
da to mammuzza
chi sempri a tia pensa.

Passaru i ionna
e puru i misi e l’anni
e tinn’accorgi
chi ti facisti ranni,
passò a to vita
pinsannu sempri na cosa
chi sulu quannu ritorni
u to cori si riposa.