At a bènner Pasca/Verrà Pasqua

At a bènner Pasca/Verrà Pasqua

Pàret benta primitìa sa notte
a ghettàre unu mantu nieddu
e cucuzàre donzi indellèttu
in chie non tènet prus boche

in custu mundu chi zirat lestru
e no intèndet perùnu lamèntu,
imbolànde sos sentitos a su entu
ca de azuàre no est prus a trettu.

Tottu in d’unu at a bènner Pasca
fortzis in diatòrja o de dominìca,
at a esser una rosa frorita
o su sole chi jocat a su tracca.

At a esser sa luche a manzanìle
chi chin bonu prèntziu e umana làstima
at a iscazàre su sale de donzi lacrima
e mutàre sos coros chin pretziosos istìres.

Siat custa pasca sa benènnita
ca chentze die posta e a sa muta
importzionat sas animas dirrùtas
torrande àlinu, torrande a bita.

No at a toccare càmpana o sonàzu
at a esser miàta nova a chelu,
ispèra de unu tempus prus lenu
de contipizare chin fide e corazu.




VERRA’ PASQUA

Sembra giunta in anticipo la notte/a coprire con il suo manto nero/e soffocare ogni disegno/in chi non ha più voce

in questo mondo che gira veloce/e non sente più alcun lamento/buttando le emozioni al vento/e non più in grado di prestare aiuto.

All’improvviso verrà pasqua/forse in un giorno normale o festivo/sarà una rosa fiorita/o il sole che gioca a nascondino.

Sarà la luce dell’alba/che con rispetto e generosità/scioglierà il sale di ogni lacrima/e vestirà a festa i cuori con preziose vesti.

Sia questa pasqua la benvenuta/che senza data ed in silenzio/curerà le anime afflitte/ridando fiato, ridando vita.

Non suoneranno campane o sonagli/sarà uno sguardo nuovo al cielo/speranza di giorni quieti/da vivere con fiducia e coraggio.