Filastrocca di attivi e inattivi per coronavirus

FILASTROCCA DI ATTIVI E INATTIVI AL TEMPO DI CORONAVIRUS

Accuminciamu cchè sportivi
Ch’avi assai ca su inattivi.
Ormai nessunu s’allena
Picchì su in quarantena.
Senza fari ‘na partita
S’antristiscunu a vita.
E mercati settimanali
Cci spuntanu a tutti l’ali.
Unni è ca sinni enu
Ca da tantu nunn’iviremu.
‘A vinnita ambulanti è morta
Nuddu ti passa davanti a porta.
Cc’u l’Api, camia e ogni mezzu
Accattannu tuttu a bon prezzu.
Oggi ddi pochi putiari
Fanu prezzi assai cari.
E chiddi ca vannu ricircati
Sunu i supermircati.
Unni trovi ogni cosa
Ca ti servi ppi la casa.
‘Nta ddi terri
Ca cci sù i serri
C’è nu ranni sfasciu
E tuttu va a scatafasciu.
Tutta ‘a scola è ‘nvacanza
E chist’annu nun c’è spiranza.
Ppi maestri e docenti
Di scolari e studenti.
Chista è annata sfurtunata
Cc’ù st’epidemia scillirata.
C’accunnannatu tuttu ’u munnu
A tuccari u suttafunnu.
Cu agghiri a travagghiari
Aviri un lassapassari.
Picchì senò saranno guai
Ca nun finirannu mai.
‘Nta tutti li strati
Cci’ su cuntrolli sirrati.
E quarcuno ca è fora, veni taliatu
Comu n’evasu dd’o’ carciri scappatu.
Chista è a situazioni, amici cari
E n’avemu sulu a cunfurtari.
S’accapanu tutti i ponti
Dde’ putenti e pussirenti.
Tutti i stissi addivintamu
E nenti appressu ni purtamu.
Quannu arriva a matri pura
Ca ni porta ‘a sipurtura.
Per esempio, i saristani
Nun sonunu cchiù i campani.
E ‘u preti chi è fissa
Ca s’agghiri a diri a missa.
Chistu nun lu fa mancu lu viscu
E sinni cura papa Franciscu.


Francofonte, 27 Marzo 2020.