Miraculu d'ogni matina

A matina prestu
assittatu na Playa di Catania
taliu luntanu
sentu lu scrusciu
di li onni di lu mari
sempri regulari
farimi cumpagnia.
Puntannu l’occhi
ni nu puntu precisu
di fronti a mia
unni pari iddu finisci
‘ncumincia a pigghiari culuri
prima comun lu vinu rosatu
pi canciari ni nu russu
sempri cchiù vivu assai.
Lu miraculu d’ogni matina
a nascita di lu suli
cumincia a farisi vidiri
‘nprincipiu na fiammedda pari
che lentamenti sali
comu avveni nill’opera di pupi
da du fili tirati
man manu si vidi crisciri
finu na palla russa
divintari.
Lestu lestu
pigghia postu
ni lu so reami
che voli risbigghiari
nun ce quatru d’artista
chi lu po' imitari
quannu auto arriva
pigghia lu so splinduri
e lu jornu po' cuminciari.