Amaru Nuvembre (dialetto napoletano)

Ue' Nuve'... tu si neglia dint'a l'uocchi d'a mente
e si bavagliu 'ncoppa
' a vocca d'o core.
Si schiuppetta ca smove l'ombra dint'o ventre
e si trumbetta ca nun sona pe' sceta' 'o vascio suojo.

Pe' chist mumentu ca stamm passannu, co' te tanta gente si sta accunciannu quatt'ova dint'a nu piatt'argientu, o sta facenn seccann'a sacca a 'o cchiu' 'nguaiatu e a' o cchiu' disgraziatu.

Ma tu pure ti strigne comme a nu parente stritt stritt, poi tutto russo 'ncoppa a nu spaghetto numero sette ti mietti e stai atturcigliatu co' a rassa tussa ca ti spacca 'o muss e t'addulura l'ossa.

Ma pe' tante autre persune si sulo citro e ottune co' 'o contuornu d'è terra nira, 'nfosa e di nisciune...sta pietanza è accumpagnata da nu bicchiere d'e lacrima cucente ca scenne e si posa chianu ncoppa a na tavula lucente ca nun tene e segge, nun tene o mesale e manco nu reparu.