LA BICICLETA

LA BICICLETA (dialetto padovano)

Quanto me piase ‘ndare in bicicleta,
menare le ganbe, tajar l’arieta!
Scalare i monti, sentire el sudore
bagnarme la fronte, ma sensa rumore.

Co le rode che gira e i ragi che fis-cia
controlo la strada: su le buse se ris-cia.
Se incontro le salide, el canbio me juta:
me also da la sela par metarghela tuta.

El bruto ze quando na goma ze a tera:
ma basta un tacon par vinsare la guera!
Se pole ripartire se el tenpo ze belo …
se invesse piovesse, se verze l’onbrelo.

Me piase la me bici, col so canpanelo:
se i ani me passa, lu resta un putelo.
Insieme go fato un mucio de strada:
me vansa anca el tenpo par dir na monada:
“Se la bici ze pronta, mi studiarò le carte …
la prossima volta rivemo su Marte!”.


LA BICICLETTA (lingua italiana)

Quanto mi piace andare in bicicletta,
far girar le gambe, fendere l’arietta!
Scalare le montagne, sentire il sudore
bagnarmi la fronte, senza far rumore.

Con le ruote che girano al sibilar dei raggi,
controllo la strada: le buche sono un rischio!
Se incontro le salite, mi aiuta il cambio:
mi alzo sulla sella per rendere al massimo.

Il brutto arriva quando c’è una foratura:
ma è pronta una toppa per vincer la paura!
Si può ripartire se il tempo è bello:
se invece piovesse, si apre l’ombrello!

Mi piace la bicicletta, con il suo campanello:
se io sono invecchiato, lui resta un bambino.
Insieme abbiamo fatto molta strada:
mi resta anche il tempo per scherzare un po’:
“Se la bicicletta è pronta, studierò le carte;
la prossima volta andremo su Marte!"