Procida

Nù schizz'e lava
'mmiez'a ll'onn
s'arrefredda e nun'affonn.
Nù lapill'e n'eruzion
appuiat llà pe caso.
Nù scungiglio e meraviglia,
nà bellezza 'miez'e bell.

E' a nennella de trè sore
dint'a nù scenario d'oro.

Cielo azzurro, mare blù,
nù tramont' russ'e fuoco
p'appiccià mlion'e stelle,
dint'a ll'aria nà canzona
e o prufumo de' llimon.

Tir'a rezza o piscatore!

Vich stritt e cas'antiche,
piazz cà songh terrazze
affacciate n'copp'o mare.
Fann festa llì campane
po Rusario dint'e chiese.

Mamm'e spose
mai nà lagna.
Quann l'ommo và pe mmare,
" a Maronna t'accumpagna"