Ajó a mare/Andiamo al mare

Ajò a mare!

Un’àteru istìu de calore est intràtu
mancàri sìemos istàtos in s’issèrru
in berànu e in sa coa de s’irvèrru
ca unu virus nos at minethàtu.

Tòcat de bessìremos carotzàtos
parìmos in sa festa de carrasecàre
e imbètzes sèmos falànde a mare
allegros che prijonèris iscapàtos.

Sas ispòrtas sont aprontàtas
gàrrigas de sìndria e de perdinzànu frintu
ca no nos importat de s’istìre istrìntu
e sas dìes chèrent afestàtas.

Torràmos a sas dìes de sos ammèntos
a sos cucurumèddos in sos mòntes de arèna
e currillànde die die chi ‘it una bellèsa
chene perùna pelèa o pessamèntos.

No achèmas de bàdas su tempus colàre
ca comènte nos bènit non l’ìschit neùne
si sèmos sanos, liberos o torra prèsos a fune.

Ajò a mare
a nos ghettàre s’abba dae impàre impàre!

Millina, su 24 de lampàtas de su 2020


Andiamo al mare

Un'altra calda estate è arrivata
seppur siamo stati reclusi
in primavera e alla fine dell'inverno
perché un virus ci ha minacciati.

Dobbiamo uscire mascherati
come se fosse carnevale
e invece stiamo andando al mare
allegri come prigionieri liberati.

Sono pronte le sporte
piene d'anguria e melanzane fritte
tanto non ci importa delle vesti strette
e i giorni vanno celebrati.

Riprendiamoci il tempo dei ricordi
delle capriole sulle dune
e delle tante corse, che bellezza,
senza sofferenze e cupi pensieri.

Diamo valore al tempo
ché nessuno sa come saremo
se in salute, liberi o ancora reclusi.

Andiamo al mare
a spruzzarci l'acqua a vicenda.

Millina, 24 giugno 2020