I fiur ad fil 'd fèr

Tati,
a senti che la vita
l'as an va.
La sbrìsia in di dì
cmé l'aria alsera
ch'a pasa in di ram
dla gianda
in fund a l'era,
adès,
ch'lè primavera.
Tati.
Quand sarà ura
e tüt finì,
vegni sut sera,
pian,
pr al vial di pin.
Pòrtam dü fiur
ad fil 'd fèr
chi dürarà püsè
e meti in mès a l'èrba
in dla cla tèra...
Mia piànsar.
Lasa ndar
la tu ànima
in ciel
a basar la mia,
e csi tüti li seri,
e prumètam, in chi mument,
da purtar dü fiur
anca par ti,
che mai 't al pensarè.