Preghiera pe' 'n'ammore

Preghiera pe’ n’ammore



Tu … ca sì’ Pat’Eterno
Tu … ca sì’ ‘nu Ddio
armeno pe’ ‘na vota
Tu … fa a modo mio.
Vuotate a ‘n’ata parta
fa’ cunto ‘e te’ scurdà’
ca nuie ‘ncopp’’a ‘sta terra
campammo pe’ nce dannà’.
Ie mò ll’aggio truvata
chi overo me’ vò’ bene.
Fammello pe’ carità
circ’’e mezze pe’ ll’omeno
‘e me nne dà’ ‘n’appoco
‘e ‘sti ghiurnate.
Nun cerco chisà chè
ancora dint’’e bbraccie
Tu, fammélla tènè’.
Si’ fusse nato omme
ma ll’avisse già sapè’
putisse capì’ comme.
Addimanna a chi primm’’e me
è stato’ncopp’a ‘sta terra.
Tu, fattéllo dicére
‘na fémmena quant’è bella
quanno guardannote
adderitta dint’a ll’uocchie
t’astrégne forte ‘e mmane
s’assetta ‘ncopp’’e ddenocchie.
Te’ proie, rossa ‘e scuorno
‘o piétto, t’’o fa’ vasà’
sentènnola ca tremma
‘o sciato te’ fa’ muzzà’.
Ancora cchiù suspiranno
se’ cocca affianco a te
c’’o cuorpo te’ cummmoglia.
Vulésse pò’ avvedé’.
P’’o riésto ‘e tutt’a vita
nce vulisse rummané’
…e si’ Tu stisse ‘o puosto mio
facisse comm’a me.
Tu pure priasse ‘nu Ddio
comm’ie faccio cu Tte!