A locomotiva

Taliannu i vecchi vaguni dà ferrovia
quanti ricordi s’affaccianu ‘na testa mia
e comu a locomotiva a marcia indietru
tornu ca menti a quarant’anni arreti ;
quannu , ogni lunedì matina , chianavu
i scalini stritti da carozza antica pi ire
a città ranni pi divintari dotta e impurtanti.

U trenu era a speranza di na vita sicura,
da nostra libertà !
Quanti storie,quanti ricordi!

L’ amici chiù fidati sunu cangiati.
A cumpagna occhialuta e sturiusa
è divinuta na vecchia disiccata .
A vecchia amicizia comu u trenu
s’è sfasciata; picchi no munnu
nun c’è chiù amurusanza,ma
ammiria e scattusanza.


I tempi sunu cangiati:è finita a
picciuttanza,semo junti a la
fermata obbligatoria di la vita.
Finiu u tò girro,vecchiu trinino,
t’aspetta ù capolinea; ora dopo
tanti anni che hai jutu e vinuti
u tò curriri finisci ccà !