Bello 'e papà

Appena t'appuiaino 'm'pietto a mammeta quanno nascesti, l'uocchie me se 'nfunettono, me s'accapunette 'a pelle, pensai st'essere piccirillo, senza difesa, st'anema 'e Dio è figlio a me?....
E mentre 'o core me sbatteva a mille a mille tu t'appaciavi sentenne 'e battiti 'e 'stu core, quasi comme si te cantasse 'a ninna nonna, bello 'e papà io nun te saccio dicere chello c'aggiu pruvato, pecchè parole adatte nun n'c'è stanno pe te spiegà 'a gioia e chilli mumenti.....
'Po 'e 'ncuminciato a crescere a parlà e quanno 'a rint'a chella vucchella peccerella ascette 'a primma vota 'a roppia sillaba "papà", embè 'llà me squagliai, facette cienti zumpi, me te pigliai 'int'e bracce e t'astrignette forte 'ncopp'o core 'ca sbatte sempe a mille a mille e nun se ferma......
Oggi si gruosso, ormai si 'n'ommo fatto, ma ll'ia sapè bell 'e papà, 'ca 'ncopp'a chistu core 'ca sbatte sempe a mille a mille, te può appuià qualunqua volta cerchi 'a ninna nonna e vuo truovà 'nu poco 'e pace, pecchè nun esistono parole cchiù importanti, melodie cchiù belle 'e doce 'de battiti 'ro core 'e papà tuoie.......