Poi...Agghiorna.

Non mi diri nenti ! Non mi dumannari !
Iu mi sentu persu , mi ittassi a mari.
Non aveva tortu u principali:
"Cu sta crisi i cosi vannu mali !"

Quannu manca qualchi annu pà pinsioni
e perdi u postu , oh maledizioni !
Ma chi fai?Ma chi sai?
Unni vai?

A'stamatina fui dall'assessuri
u'spittai dda fora pì du uri ,
finalmente arriva e...ncoppu o cori:
"Torna n'atra vota ca ora c'haiu chiffari".

Mi ricordu quannu mi chiamava "Amicu" ,
e mi circava tutti i iorna p'aviri u votu.
Ora No !
Non sugnu chiù amicu so !

E mi presentu:"Chi cerca a unu?C'haiu cinquant'anni" .
"Mi dispiace tantu ma tu pì cà si troppu ranni ! "
mannaggia a mia ca non vincì ddu concorsu
sicuramenti ora iù non era a spassu .
Ma chi fai?Ma chi sai?
Unni vai?
Nun c'è pace nda me testa ,a me vita ormai finiu ,
e non c'è suli nde me iorna , d'impruvvisu mi scurau.
E tu mugghieri mia ca mi vò tantu beni,n'ama spartutu sempri gioie e peni,
ma unni a trovi tu tutta sta forza pì dirimi:"Curaggiu ,nun perdiri a speranza ,
picchì è veru ca dda supra c'è Qualcunu
ca cuntrolla tuttu e nun c'abbannuna.
E ora và,
Cerca ancora,cerca và.
E ti presenti se cerca a unu.c'hai cinquant'anni?
Ma non è dittu ca pì tutti si troppu ranni !
ascuta a mia,a to stidda gira e torna ,
non dispirari cà prima o poi agghiorna".