Non ci sunnu cchiù i tempi i na vota

Non ci sunnu cchiu i tempi i na vota;

Aundi 'ncera nu mundu cchiu sanu,
Aundi n'abbrazzu era datu cu cori, aundi a genti si teniva pé manu;

Na vota u Natali era riccu d'amuri,
a casa di nonni era a casa i tutti,
si rridiva e si jocava jornati sani, senza mai guardari l'uri;

Fjauru i zippuli e i lici salati jinchivanu i stanzi,
mentri i figghioli 'nterra e carti jocavanu ssettati;

Non ci sunnu cchiu i tempi i na' vota, aundi i mammi criscivanu deci figghi, ivanu pà liva e supra o focu non mancava mai a pignata;

U rispettu era n'atra cosa,
l'òmini garbati si cacciavanu a bbarritta se salutavanu a carcunu, se trasivanu 'nda chiesa.

Nu sguardu sulu i nu padri a nu figghiu potiva bastari, quandu 'ncera na discussioni era mégghiu calari l'occhi, era mégghiu non rifjatari;

Na funtaneja era u spassu di figghioli, si jocava ammenzu a terra, sutta a l'acqua, finu a sira;

Non ci sunnu cchiu i tempi i na vota, aundi i sentimenti eranu tuttu, l'amuri era veru, u valori da vita... n'atra cosa.