CHE COSTIPASION

le du giorni che son in leto

naso serà osi malcunè testa imborsà

la boracia de l’acqua calda on fondo ai piè

sudo fredo e stranuso
a colpi sbosego confuso

sul comodin
le fiale par la puntura
le suposte le aspirine
el termometro e l’oio mentolo

ieri la ciamà el Dotor

s’à ordinà la casa s’à cambia i nisoi
la biancheria quela on fondo al comò
che se mete solo par rare ocasion

i buteleti i te spia da la porta

la suocera in cusina la prepara el brodo de galina

ghe on strano silensio che quasi el mete aprension

el me can in parte al leto no l’arfia gnanca par rispeto

no mera mai vegnuo na così danà costipasion

me sento cocolà …
quasi quasi resto in leto anca diman