Ti prisentu u mari

Ti prisentu u mari

Veni cu mia, scinni ‘nta sta varca,
lassa a terra e scorda ogni pinsèri,
ca u mari n’aspetta e n’abbraccia
cu l’unda chi s’allarga e si fa jèri.

Varda a rina d’oru di Munnieddu,
chi sutta u suli par’un fangu jancu,
mentre a briscia ni carizza u viddicu
e u scogliu di Sferracavaddu spunta d’un fiancu.

L’Aruniedda s’affaccia comu un velu,
mentre lassù, sculpiuta ‘nta la ròcca,
Santa Rusulia ni talìa d’u celu
e ni binidìci cu na santa ucca.

Senti st’addùru chi t’acchiana ‘n testa?
È sali vivo, è ciauru di mari,
chi trasi d’u nasu e fa na gran festa,
un prufumu chi nun si pò scurdari.

Guarda ddu sàutu! È un pisci ancilu
chi s’allancia fora, scappannu ‘i fretta,
mentre u pridaturi, cu l’occhiu vigghilu,
sutta l’acqua scura u pìgghia e l’aspetta.

E varda ddi costi, unni u suli pìcca,
unni i vecchi salinari fannu u suduri,
cu la schina rutta e la facci sicca,
travagghianu u sali cu tantu amuri.

Si stasira ascuti e fermi u tò sciatu,
‘nta u ventu chi soffia e addiventa timpesta,
senti u cantu anticu di cu ha faticatu,
li filastrocchi d’un tempu chi resta.

È la vuci di l’ànimi, è u scantu e la paci,
chi u mari s’astuta e poi ni ricunta...
Ti prisentu u mari, unni u cori si taci
e l’alba siciliana dintra l’occhi spunta.

Filippo Santaluna 07/2024

Traduzione in italiano

Ti presento il mare

Vieni con me, scendi in questa barca,
lascia la terra e scorda ogni pensiero,
perché il mare ci aspetta e ci abbraccia
con l'onda che si allarga e si fa sentiero.

Guarda la sabbia d'oro di Mondello,
che sotto il sole sembra un fango bianco,
mentre la brezza ci accarezza il ventre
e lo scoglio di Sferracavallo spunta da un fianco.

L'Arenella s'affaccia come un velo,
mentre lassù, scolpita nella roccia,
Santa Rosalia ci guarda dal cielo
e ci benedice con una santa bocca.

Senti questo odore che ti sale in testa?
È sale vivo, è profumo di mare,
che entra dal naso e fa una gran festa,
un profumo che non si può dimenticare.

Guarda quel salto! È un pesce angelo
che si lancia fuori, scappando in fretta,
mentre il predatore, con l'occhio vigile,
sotto l'acqua scura lo afferra e l'aspetta.

E guarda quelle coste, dove il sole picchia,
dove i vecchi salinari versano il sudore,
con la schiena rotta e la faccia secca,
lavorano il sale con tanto amore.

Se stasera ascolti e fermi il tuo respiro,
nel vento che soffia e diventa tempesta,
senti il canto antico di chi ha faticato,
le filastrocche di un tempo che resta.

È la voce delle anime, è lo spavento e la pace,
che il mare spegne e poi ci racconta...
Ti presento il mare, dove il cuore tace
e l'alba siciliana dentro gli occhi spunta.

Filippo Santaluna 07/2024

#poesiasiciliana