U mari

Sutt'a lustrura
d'un suli
ca tracodda
u mari
yoca ancora
cu l'addevi,
scappa, assicuta
vagna arrimudda
e ncapu a rina
sconza i pidati;
a la matina
quannu l'arba pungi
senza grumidda
liscu comu sita
parpiddianu l'occhi
e ti taliu
e vintusati
mannanu i purmuna.
Quannu ca testa
china di furniscii
cu la menti
ca mi squazzaria
ti taliu
e adasciu
parlu attia
c'ammucci tuttu
nfunnu di vudeddu.
tanta genti
ti tocca, ti mania
si lava i pedi
e lassa sapunata
comu un vecchiu stancu
ca vrachia
arrafatatu acchiani
nda muntata.