Si vuò

Regalame si vuò n'attimo 'e bbene
n'ata buscia dincella a chistu core,
si sta passione ancora te mantene
famme sunnà nu poco 'o vero ammore!

Passano 'e iuorne,passano e semmane,
e sta speranza cresce ardentemente....
damme, si vuò, ancora nu dimane,
e nun me fa cchiù struiere sta mente...

L'ammore eterno nun esiste, è overo,
eterno nun è niente a chistu munno,
te cerco sulo d'essere sincero....
No! Nun me fa cadè sempe cchiù nfunno.

Famme stu sanghe scorrere int''e vvene
e nun me fa gelà stu core,'e mmane,
regalame si vuò n'attimo e bbene,
regalame si vuò n'ato dimane!