'O Matrimonio

Pe' tanta mise
avimme faticato
pe' preparà 'sta festa
accussì bella.
E' schiarata 'na jurnata 'e Paravise,
'na casa chin' 'e sciure,
gente che va e vene ...
fotografi, parrucchieri e truccatrice,
dolci, cunfiette e pastarelle.
Tu vestut' 'a sposa, comm' 'a 'na fata
sott' 'o braccio 'e papà
te faje fotografà.
'A Chiesa, ricamata 'e sciure,
'a musica cchiù carnale e doce,
lacreme 'e gioia,
auguri, cumplimente
e tanta felicità.
Che bella festa è stata!
'Stu juorno accussì bello
nun t' 'o può scurdà.
Ringrazia a Dio che te sta vicino
e t'adda accumpagnà
pe' tutt' 'a vita.